الـســـلااام عـليـكم
هـاذي محـااورة بـيـن عـمــلاقـة ومـؤسسيـن الـشـعـر
الـشــاعـر: مطــــلق بن حمـــيد الثــبيتي (رحــمة الله)
والشــاعـر : ـشليـويح بن ـشلاح الــمطيري(حـفـظـه الله)
مطلق الثبيتي:
سلام الله على من جابنا ذكره ومرسولـه==عدد نو المزون اللي لهـا نـوٍ ورعـادي
شليويح المطيري يوم شفته عزّني زولـه==واثره الشجره اللي عرقها سابح مع الوادي
شليويح بن شلاح:
هلا يامرحبا ترحيب نبدي فيه ونقولـه==نيابة عن مطير الحاظره و آلاد عبادي
شليويح المطيري ماشيٍ فالدرب بنعوله==ولا احط القدم حافي لعل الدرب ينقادي
مطلق الثبيتي:
الا يازينها لـو تصبـح البيبـان مقفولـه==وتمسي يالمطيري من ورا البصره وبغدادي
ياراعي الشله اللي عن عيال الخير معزوله==بعد سويتها فينا يبي لك حـرب وجهـادي
شليويح بن شلاح:
عرفت الغازكم والغازكم من عصر محلوله==كلامك فالمسجل لاتشغل موجـة الـرادي
انا لي شلةٍ في دربها ماهـي بمشلولـه==بعدها يالثبيتـي لاتحـرك كـورة النـادي
مطلق الثبيتي:
ابربي حرامـيٍ يشيـل التمـر بحثولـه==نما من عادته مايسرق الا تمر الاجوادي
ابوكم ماتسنع وامكم قشرى ومهبولـه==ليا ميزتها من قشرها ماعـاد تـزدادي
شليويح بن شلاح:
علام الحضرمي قدام جيرانه كفا فولـه==يعقّب دلته ويجيـب للضيفـان بـرادي
انا امي صاحيه وامك من الايام مشغوله==ولاتسمع كلام امك نهار تصيح وتنادي
مطلق الثبيتي:
[color=#4B0082]زعل راعي الونيت وضاع له عشرين صاموله==ويوم انه زعل واليا الفرامل سلكهـا غـادي
حبال الخير بين الناس ممـدوده وموصولـه==ولاتقدر تغيرهـا ليـا شفـت القمـر بـادي [/color
شليويح بن شلاح:
اقص الجره اللي من زمان العـام مدهولـه==واثر طبع الحرامي يختلف عن طبع الاجوادي
انا خابرك تثني كان نار الحـرب مشعولـه==لكن اليوم عان القوم لك في كل مرصـادي
مطلق الثبيتي:
رموشك يالمطيري من دموع العام مبلوله==نبا نشبعك في شعبان ونجمدك في جمادي
ليا شفنا الغناوي كل يوم يقـل محصولـه==قطعنا عنه نسناس الهوى والشرب والزادي
[/color
شليويح بن شلاح:
ليا حمرت عينك عندنا بالكحل مكحولـه==وانا بشب ناري كان شفت القدر ماجادي
انا ماني بشعره من عجينة خبل منسوله==انا دكتورها حتى نداوي كـل الاكبـادي
مطلق الثبيتي:
الا ياموترٍ حطوا لـه الشاصيـن مدبولـه==لكنه لامشى في الدرب من ممشاه متحادي
انا اعرف القلوب اللي من الاوهام مدخوله==اجيب إلها الدواء مير الدواء والطب مافادي [/color
شليويح بن شلاح:
انا بنشدك عن هاك الونيت إصحيح منهوله==بعد ماحوّل السواق ركبه غض الانهـادي
وانا ماني بماشي غير مع سكه ومدهوله==لكنك قص دربك يالعتيبي وانصح الغـادي
مطلق الثبيتي:
شليويح المطيري مدوخ العربان بطبوله==وياليته مع الغزي وجنب عزيز البـادي
والا يازين زول الشيخ والذرعان مفتوله==لكنه يطوف ويستعي فالشعب وجيـادي [/color
شليويح بن شلاح:
تغيّر صاحبي يوم السواري وقعت حوله==سلامه يالثبيتي وابشر انك واصل المادي
ليا زعل الثبيتي من زمان العام قولوا له==نبا نكسيه من [size=18]سوق الرجال ثيابٍ جدادي[/size]
الأحد 27 أبريل - 13:58